Orihuela - Oriheula Costa

Borgin Orihuela  einkennist af mörgum þéttbýliskjörnum  og stórum þéttbýlissvæðum. Sveitafélagið  skiptist að mestu leiti í tvær þéttbýlisstöðvar sem eru  borgin Orihuela og strandsvæðið Orihuela Costa, sem liggur ekki að borgarsvæðinu.  Íbúafjöldinn sem sveiflast töluvert eftir árstíma og verður mikill á sumrin sem og töluvert um jól og páska.  

Árið 2000 voru íbúar Orihuela (allt yrirráðasvæðið)  53.478.  Þar af var fjöldi Orihuela Costa um 5645 eða rúmlega 10,5% bæjarfélagsins.  Með mikilli aukningu ferðaþjónustu á Costa Blanca, og sérstaklega mikilli aukningu á fjárfestingu í öðru heimili, jókst íbúafjöldi Orihuela Costa vel yfir 29.000 árið 2010 og var þá  eitthvað á milli 36%- 38 %  af heildar íbuafjölda Orihuela svæðisins.   Hins vegar  með sprungni húsnæðisbólu og efnahagskreppu sem fylgdi í kjölfarið, fluttu margir erlendir íbúar frá Orihuela Costa  og snéru aftur til upprunalands síns. 

 Hafa skal í huga að þessar tölur eru byggðar á fjölda skráðra íbúa við ströndina, en mikilvægt er að hafa í huga að margir útlendingar sem búa í Orihuela Costa eru ekki opinberlega skráðir.   Mikill munur  getur verið á raunverulegum íbúum og þeim sem eru skráðir, því þó að skráðir íbúar séu um 22.000 þá er talið við miðað við vatnsnotkun á lágannatíma, að Orihuela Costa hýsi allt að 45.000 manns.  

Íbúatala Sveitarfélagsins Orihuela var um 89.000  árið 2025.  Þar af  30.171   í Orihuela Costa, sem er á milli 32- 34% íbúa.

Orihuela Costa er einn helsti áfangastaður fyrir annað heimili á öllu Costa Blanca svæðinu. Það er þéttbýlisstaður sem samanstendur að miklu leiti  af stórum íbúðagörðum sem er aðallega í eigu fóks frá mið og norður Evrópu.

 Skipting íbúafjöldans í Orihuela eftir þjóðernum á fyrrihluta ársins 2026 er sem hér segir:

• Um 60,4% íbúa eru spænskir ríkisborgarar og mynda þar með meirihlutann.
• Útlendingar eru um 32% af íbúum sveitarfélagsins og koma frá um 121 mismunandi þjóðerni.
• Breskir ríkisborgarar eru stærsti hópur útlendinga, sérstaklega á svæðinu Orihuela Costa.
• Aðrir stórir hópar útlendinga koma frá Marokkó, Kólumbíu og fleiri löndum.

Þetta sýnir fjölbreytt samfélag með sterkan spænskan meirihluta en einnig mikinn fjölda erlendra íbúa, einkum frá Bretlandi og öðrum löndum.

Opinberar tölur eru ekki fyrir hendi um fjölda Íslendinga.  Með leit á netinu  má finna að áætlaður fjöldi Íslendinga með fasta búsetu á Costa Blanca svæðinu sé á milli 250-300.

1. Maí 2026